"MIXX" хамтлаг нь Г.Энх-Амар, Б.Болдбаатар, О.Гүнчин-Иш, Г.Амаржил, Б.Төгсжаргал, Х.Гулназ гэсэн гишүүдтэй юм. Хамтлагийн продюсероор Royal music record-ын Г.Цэрэн ажиллах бөгөөд хувцаслалт, нүүр будалт гээд гадаад дүр төрхийг  мэргэжлийн баг бүрдүүлэн ажиллаж байгаа аж. "Making the band 3" төслийн хүрээнд "Mixx" хамтлаг нь дөрвөн дуу, гурван клипыг гаргахаар төлөвлөжээ. Тэдний анхны дуу "Эс залуу" дууны клип нь албан ёсоор өнөөдөр цацагдан, сонсогчдын хүртээл болж байна.

Мөн хоёр дахь уран бүтээлийн хоолой бичлэгээ БНХАУ-д хийлгэжээ. Ирэх онд анхны цомог, тоглолтоо хийхээр төлөвлөөд байгаа бөгөөд энэ хугацаанд бэлтгэгдсээр байх аж. Нэвтрүүлгийн турш Sunjin Grand зочид буудалд байрлан, өдөр бүр хуваарийн дагуу ажилладаг аж. Хамтлагийн нэрийн хувьд Mixx холимог гэсэн утгатай. Харин X нь нууцлагдмал гэсэн утгыг илэрхийлж байгаа аж.